Ish-pjesëtari i Njësisë Speciale Operative të Kosovës, Arbnor Spahiu u ndalua të dielën nga autoritetet serbe në pikën kufitare në Horgosh, e më pas u dërgua në qendrën e ndalimit në Kanjizhë.
Gjatë ditës së sotme Spahiu ka dalur para Gjykatës Komunale të Kikindës.
Avokati Arianit Koci në rrjetin social Facebook ka shkruarse Arbnor Spahiu është dënuar me 1 muaj paraburgim nga autoritetet serbe.
Arbnor Spahiut, ish-zyrtarit policor të Njësisë Speciale Operative (NJSO), pas dy ditësh ndalimi, sot i është caktuar masa e paraburgimit njëmujor në Serbi. Ky vendim është i padrejtë, i motivuar politikisht dhe pa asnjë provë apo bazë faktike”.
“Kërkoj angazhim të drejtpërdrejtë të shtetit të Kosovës – jo vetëm nga Ministria e Jashtme dhe Zyra Ndërlidhëse në Beograd – por edhe reagim të qartë dhe publik nga Kryeministri dhe Presidentja e vendit.Sepse asnjë qytetar i këtij vendi nuk guxon të lihet vetëm, kur përsekutohet padrejtësisht. Punën që nuk po e bën shtetit i Kosovës – po më duhet ta bëj une. P.S. Nesër nisem drejt Suboticës”, ka shkruar Koci.
Në lidhje më këtë gjatë ditës së djeshme ka reaguar edhe Ministria e Punëve të Jashtme dhe Diasporës.
Derisa për ndalimin e ish-policit ai ka njoftuar dje se ka marrë përsipër mbrojtjen e tij.
