Shtatorja e ish-kryeministrit britanik, Tony Blair, e cila u zbulua në Ferizaj në 25-vjetorin e çlirimit të Kosovës, është kritikuar nga artistë e qytetarë të shumtë.
E skulptori i kësaj shtatore, Agon Qosa ka thënë se kritikat janë dhënë gjatë realizimit dhe sipas tij, tani ajo është në rregull.
Tutje, ai tha se nisma e këtyre kritikave ka ardhur nga rivalët e Blair – pra për motive politike.
“Unë e pash se qysh është nis kjo nisma e këtyre kritikave. Atje në Britani sekretari i partisë së Tony Blair e ka postuar një foto që ka ardh nga këtu dhe dmth është bërë në mënyrë politike për shkak të rivaleve të tyre që janë në mes veti … e mandej kanë hyrë rivalet kanë shkru aty. E kanë gjetur një aktor australian kishe i përngjan e kanë qite një foto, e qaty ka nisur kritika e parë, që nuk i ngjan ati fare se kam hi kam këqyre e analizu unë se çfarë kanë thënë. Edhe sot i pash portalet tona dhe njerëzit kanë shkru në mënyra të ndryshme, por skulptura i përngjan fiks…“, ka thënë ai në emisionin “Ditari” në Tëvë1.
Qosa ka thënë se skulptura nuk do të ndryshohet.
Për skulpturën e ish-kryeministrit të Britanisë, Tony Blair ka shkruar The Independent. Aty thuhet se britanikët janë të bindur se shtatorja i ngjanë më shumë aktorit Australian, Jason Donovan./teve1.info/
