Pas përfundimit të bllokadës së përkohshme nga qytetarë serbë, rruga e cila shpie në pikëkalimin kufitar në Merdar nga ana e Serbisë është rihapur për qarkullim në të dy drejtimet.
Qendra Kombëtare për Menaxhim Kufitar u ka bërë thirrje të gjithë pjesëmarrësve në trafik për kujdes të shtuar ‘për shkak të sigurisë dhe mundësisë së vonesave të lehta’.
“Njoftohen të gjithë qytetarët se rruga në pikën kufitare Merdarë është rihapur për qarkullim, pas përfundimit të bllokadës së përkohshme nga qytetarët në teritorin e Serbisë. Qarkullimi tashmë është i lejuar në të dy drejtimet, luten të gjithë pjesëmarrësit në trafik të qarkullojnë me kujdes të shtuar, për shkak të sigurisë dhe mundësisë së vonesave të lehta”, thuhet në njoftimin e Qendrës Kombëtare për Menaxhim Kufitar./teve1.info/
