Ata publikuan një letër ku thuhet se Musk e shkeli marrëveshjen, e që sipas tyre një vendim i tillë është i gabuar.
“Përfundimi i supozuar i zotit Musk dhe palëve të tjera është i pavlefshëm dhe i gabuar. Ai përbën një refuzim të detyrimeve të tyre sipas marrëveshjes”, thuhet në letrën, e nënshkruar nga avokatët, derisa thanë se Tëitter nuk e ka shkelur asnjë detyrim ndaj shefit të Teslas.
Twitteri po pretendon se situata në lidhje me marrëveshjen ende është e njëjtë “dhe asgjë nuk ka ndryshuar”, duke theksuar se Musk duhet ta blejë “patjetër” kompaninë me seli në Kaliforni të SHBA-së.
Ditë më parë, Musk vendosi ta ndërpresë njëanshëm marrëveshjen për blerjen e Tëitterit, nën arsyetimin se kompania nuk i dha qasje të hollësishme në përdoruesit robotë. Për shkak të kësaj tërheqje, Twitterit i ranë aksionet të hënën për 9 përqind.
