Mesfushori ofensiv, Veton Tusha është përforcimi më i ri i skuadrës së Dritës.
Ekipi nga Gjilani, të mërkurën e ka prezantuar Tushën, i cili ka firmosur kontratë trevjeçare dhe do të jetë pjesë e Dritës deri në verën e vitit 2027.
Tusha i bashkohet Dritës nga Dinamo City, ekip nga Tirana për të cilin luajti sezonin e fundit dhe pati 18 paraqitje në Kategorinë Superiore të Shqipërisë.
Tusha karrierë ka bërë edhe në Kosovë, ku përgjatë sezonit 2022/23 ishte pjesë e Ballkanit, ekip me të cilin ka fituar titullin e kampionit dhe Superkupën.
21-vjeçari që është pjesë e Kombëtares U21 të Kosovës është përforcimi i tretë i Dritës këtë verë pas Ilir Mustafës e Kastriot Rapucës.
