Turqia ka paralajmëruar Rusinë dhe Ukrainën të tregojnë më shumë kujdes për sigurinë në Detin e Zi, pas rrëzimit të një droni që hyri në hapësirën ajrore turke, njoftoi të enjten ministria e mbrojtjes.
Avionët F-16 u dërguan të hënën për të rrëzuar dronin “jashtë kontrollit” në një zonë të sigurt për të mbrojtur civilët dhe trafikun ajror, raporton AP.
Incidenti pasoi sulmet ukrainase ndaj anijeve cisternë ruse pranë brigjeve turke dhe paralajmërimet e Turqisë për rrezikun e përhapjes së luftës në rajon.
“Për shkak të luftës së vazhdueshme midis Ukrainës dhe Rusisë, homologët tanë janë paralajmëruar se të dyja palët duhet të jenë më të kujdesshme në lidhje me incidentet që mund të ndikojnë negativisht në sigurinë e Detit të Zi”, tha ministria.
Autoritetet turke nuk kanë zbuluar origjinën e dronit, i cili ka të ngjarë të jetë thyer në fragmente të vogla.
Presidenti Rexhep Tajip Erdogan i dënoi më parë sulmet si një kërcënim për “sigurinë lundruese, jetën dhe mjedisin, veçanërisht në zonën tonë ekskluzive”.
