Një tërmet me magnitudë prej 5.3 ballë ka goditur rajonin Bor në qytetin Nigde të Turqisë.
Këtë e bëri të ditur Agjencia për Menaxhimin e Fatkeqësive dhe Emergjencave të Turqisë.
Sipas informacionit në faqen e internetit të AFAD-it, thuhet se tërmeti me magnitudë 5.3 ballë u regjistrua me epiqendër rajonin Bor në qytetin Niğde në orën 13:27 sipas kohës lokale.
Tërmeti ishte në një thellësi prej 7 kilometrash.
Kujtojmë se numri i viktimave nga tërmetet e fuqishme që goditën Turqinë dhe Sirinë gjatë këtij muaji ka kaluar shifrën prej 50 mijë, sipas të dhënave të fundit të publikuara nga të dy shtetet.
