Turqia dhe Katari kanë nënshkruar një seri marrëveshjesh dhe një deklaratë të përbashkët të mërkurën si pjesë e Takimit të 11-të të Komitetit të Lartë Strategjik Turqi-Katar.
Presidenti turk, Recep Tayyip Erdogan dhe Emiri i Katarit, Tamim bin Hamad Al Thani, ishin dëshmitarë të nënshkrimit të disa marrëveshjeve midis dy vendeve, pasi bashkëkryesuan Takimin e 11-të të Komitetit të Lartë Strategjik në Doha, raporton Anadolu.
Më parë, të dy udhëheqësit u takuan kokë më kokë dhe zhvilluan bisedime ndërdelegacionale në Divanin e Emirit.
Marrëveshjet që u nënshkruan përfshijnë një deklaratë të përbashkët, marrëveshje për mbrojtje, tregti dhe bashkëpunim strategjik.
Pas vizitës së tij zyrtare në Katar, Presidenti Erdogan dhe delegacioni i tij u nisën për në Oman të mërkurën, ndalesa e fundit e turneut të tij tre-ditor në Gjirin Persik.
