Turqia ka bërë thirrje për qetësi në veri dhe që palët t’i kthehen dialogut.
Sipas një reagimi nga Ministria e Jashtme e shtetit turk, thuhet se janë duke i ndjekur ngjarjet me shqetësim.
“Ne po i ndjekim me shqetësim ngjarjet në veri të Kosovës. Këto ngjarje dëmtojnë sigurinë dhe stabilitetin rajonal. U bëjmë thirrje të gjitha palëve që të shmangin dhunën dhe të mos ndërmarrin veprime që do të përshkallëzojnë tensionet”, thuhet në deklaratë.
“Ne vlerësojmë rolin konstruktiv të Korpusit të Paqes të Kosovës (KFOR) në parandalimin e përshkallëzimit të ngjarjeve. Ne jemi të pikëlluar kur mësuam se disa ushtarë të KFOR-it u plagosën lehtë në incidente. E vetmja mënyrë për të ulur tensionin dhe për të vendosur paqen dhe stabilitetin e qëndrueshëm në rajon është të arrijmë përparim në procesin e dialogut në vazhdim”, përfundon deklarata.
