Turqia e ka arrestuar një person me emrin Liridon Rexhepi, që dyshohet se ishte udhëheqës i rrjetit financiar të Mossadit izraelit.
Sipas Anadolu Agency, i dyshuari u arrestua nga Departamenti i Antiterrorit në Stamboll.
Ai dyshohet se e ka menaxhuar rrjetin financiar të agjencisë kombëtare të inteligjencës së Izraelit.
Gjithashtu dyshohet se nën udhëzimet e shërbimit të inteligjencës izraelite, Rexhepi ka kryer përgjim me dron dhe operacione psikologjike kundër politikanëve palestinezë.
Ai u zbulua se u kishte transferuar fonde agjentëve në terren në Turqi, të cilët po mblidhnin inteligjencë mbi Sirinë.
Aktivitetet e Rexhepit, duke përfshirë edhe transaksionet e dyshimta në llogaritë e tij, monitoroheshin nga MIT.
Hetimi përcaktoi se ai transferoi shuma të konsiderueshme parash përmes Western Union tek agjentët në terren në Turqi. Aktivitetet e tij ishin gjurmuar që nga hyrja e tij në vend më 25 gusht.
Rexhepi, ka pranuar se kishte transferuar para. /teve1.info/
Liridon Rexhepi, identified as manager of Mossad’s financial network in Türkiye, arrested by Istanbul police – AA pic.twitter.com/LEE8oUutyr
— TRT World Now (@TRTWorldNow) September 3, 2024
