Liga Unike për basketbollistë do të aktivizohet sërish me turneun që do të mbahet prej 27 deri më 31 mars në Vlorë.
Liga Unike ishte prezantuar si projekt shumë ambicioz i Federatës së Basketbollit të Kosovës dhe Federatës së Basketbollit të Shqipërisë. Ishte garë e përbashkët e dy shteteve shqiptare, por në vjeshtë të vitit 2022 u ndërpre për shkak të qëndrimeve që kishin klubet në Shqipëri. Dy federatat janë pajtuar që Liga Unike të vazhdojë, ndërsa këtë edicion do të jetë vetëm në formë turneu.
Kosovën e prezantojnë Peja, Trepça, Sigal Prishtina dhe Golden Eagle Ylli. Prej Shqipërisë në turneun në Vlorë do të jenë Tirana, Kamza, Besëlidhja dhe Teuta.
Të premten FSHB-ja firmosi marrëveshjen me sponsorin gjeneral, që është “Lajthiza”.
Te basketbollistet Liga Unike po zhvillohet në formë lige.
