Është ndërtesë që i mbijetoi shekujve.
Por, më e rëndësishme se koha që ka kaluar, është ngjarja që ndodhi brenda saj.
Plot 148 vjet më parë brenda kësaj xhamia në Prizren, u mblodhën figurat me të shquara të kombit shqiptar.
E në këtë formë, me 10 qershor të vitit 1878, u themelua edhe Lidhja e Prizrenit.
Qëllimi i saj, ishte mbrojtja e trojeve shqiptare nga copëtimi.
Rrjedhimisht, në këtë Kuvend që u mbajt në Xhaminë e Bajraklisë, u formua edhe qeveria e parë shqiptare.
Qeveria e parë shqiptare kishte Prizren si kryeqytet, Ymer Prizrenin si kryeministër, Abdyl Frashërin si ministër të punëve të jashtme dhe Sylejman Vokshin si ministër të mbrojtjes.
E historiani, Parim Kosova, thotë se kjo ditë është e rëndësishme si pikënisje e ndryshimeve historike për kombin shqiptar.
Sipas tij, parimi i lidhjes së Prizrenit është aktual edhe sot e kësaj dite.
Ndryshe, 148 vjetori i Lidhjes Shqiptare të Prizrenit, u shënua pasditen e së mërkurës, në një ngjarje ku mori pjesë edhe kryeministri në detyrë, Albin Kurti./teve1.info/
