Është lista e produkteve, që prodhuesit kosovarë i eksportuan përtej Atlantikut.
E në gjashtëmujorin e parë të këtij viti, vlera e eksportit drejt SHBA-ve, arrin vlerën e mbi 13 milionë e 600 mijë euro.
Por, për ta shitur produktin e tyre në SHBA, tani prodhuesit kosovarë do duhet të paguajnë edhe një tarifë shtesë prej 10% në doganën amerikane.
Kjo meqë të mërkurën pas mesnatës, kanë hyrë në fuqi tarifat e reja gjithëpërfshirëse të presidentit të Shteteve të Bashkuara, Donald Trump.
Këtë e bëri të ditur vet Trump, në rrjetin e tij social.
“Është mesnata!!! Miliardë dollarë në tarifa po rrjedhin tani në Shtetet e Bashkuara të Amerikës!”, tha Trump.
Por, nga Oda Amerikane e Kosovës, thonë se eksportuesit nga Kosova ka katër vite që paguajnë doganë në SHBA.
“Kosova i është nënshtruar detyrimeve doganore të Amerikës tash e 4 vite, nga fundi i vitit 2020, kur ka skaduar i ashtuquajturi aranzhman i njanshëm preferencial tregtar ose ndryshe me emrin zyrtar i njohur si Sistemi i Përgjithësuar i Preferencave, i cili është një aranzhim i njëanshëm i vendosur nga SHBA për Kosovën dhe shtetet e tjera në zhvillim i cili në atë kohë mundësonin eksportimin e mbi 3 mijë produkteve me origjinë nga Kosova pa detyrim doganor në SHBA”, ka thënë Arian Zeka.
Kryetari i Odës Amerikane, Arian Zeka, thotë se masa e reciprocitetit tregtar, nuk duhet t’i dekurajojë bizneset.
“Tarifa prej 10% nuk është shumë e lartë, nuk duhet të shihet si dekurajim për prodhuesit nga Kosova që të eksportojnë në Amerikë. 4:10 Për tri vite me radhë SHBA kanë qenë tregu numër 1 në botë për produktet Made in Kosova, në masë të madhe janë eksportuar dyshekë nga një prodhues i vetëm derisa i njëjti u ballafaqua me një masë tarifore goxha të lartë. Momentalisht eksportojmë veshje, industria e modës është zhvilluar goxha shumë në RKS dhe kanë qenë në gjendje ta shfrytëzojnë tregun amerikan. Janë edhe pijet e ndryshme, pastaj produktet e plastikës etj”, thotë ai.
Ndryshe, një javë më parë, Qeveria e Kosovës mori vendim për largimin e tarifës doganore për produktet me origjinë nga Shtetet e Bashkuara të Amerikës.
