Është duke vazhduar numërimi i votave për zgjedhjet presidenciale në ShBA.
Sipas rezultateve të publikuara nga AP-ja, kandidatja demokrate, Kamala Harris ka 71 vota, ndërkaq kandidati republikan, Donald Trump 101.
Kandidatja demokrate Kamala Harris është projektuar ta fitojë Illinoisin, i cili ka 19 vota elektorale.
Ndërkaq, Trumpi pritet ta fitojë edhe Karolinën e Jugut e Arkansasin.
Harrisi pritet të fitojë në New Jersey, Rhone Island, Conneticut e Delaware.
Para pak minutave u mbyllën qendrat e votimit edhe në 16 shtete, përfshirë Pensilvaninë, Miçiganin, Uiskonsinin dhe më herët Xhorxhian.
Këto katër shtete, bashkë me Karolinën e Veriut, Arizonën dhe Nevadën, njihen si shtete të papërcaktuara, ku gara është tejet e ngushtë./teve1.info/
