Presidenti amerikan, Donald Trump ka përsëritur paralajmërimin se SHBA-ja do ta sulmojë sërish Iranin nëse Teherani nuk i përmbahet Memorandumit të Mirëkuptimit.
Duke folur për marrëveshjen, Trump tha: “Unë ua bëra të ditur – u thashë, ‘Shikoni, nëse nuk i përmbaheni marrëveshjes, nuk dua ta bëj këtë – por do t’ju bombardojmë me të madhe’”.
Ai shtoi se nuk beson se Irani do të largohet nga zotimet e marra.
“Dhe nuk mendoj se ata do të devijojnë nga marrëveshja. Çfarë tjetër do të bëj? A do të them se do t’ju çoj në gjyq? ‘Më lejoni të ju çoj në gjyq, më lejoni të ju padis.'”
Trump theksoi se pasojat do të jenë të rënda në rast të shkeljes së marrëveshjes.
“Jo, do t’i bombardojmë me të gjitha forcat nëse e shkelin marrëveshjen. Nuk dua që ta bëjnë këtë. Dua që ta respektojnë marrëveshjen,” tha ai.
I pyetur për sulmin ndaj një shkolle vajzash në Minab, në jug të Iranit, ku në fillim të luftës SHBA-Izrael kundër Iranit u vranë 165 persona, kryesisht fëmijë, presidenti amerikan mohoi se sulmi kishte qenë i qëllimshëm.
“Askush nuk e bëri këtë me qëllim”, tha Trump, duke pohuar se rasti është nën hetim.
“Siç e dini, është nën hetim – është një pyetje kaq e çuditshme për t’u bërë”, tha ai, përpara se të shtonte: “Po mijëra ushtarë që ata i hodhën në erë?”/teve1.info/
