Presidenti Donald Trump tha të dielën se amerikanët mund të ndiejnë “pak dhimbje” nga lufta tregtare në zhvillim e shkaktuar nga tarifat e tij kundër Kanadasë, Meksikës dhe Kinës, dhe pretendoi se Kanadaja “do të pushonte së ekzistuari” pa suficit tregtar me Shtetet e Bashkuara.
Megjithëse tarifat ishin pjesë e premtimeve të fushatës, Trump mund të ketë thyer njëkohësisht premtimin e tij ndaj votuesve në zgjedhjet e vitit të kaluar se administrata e tij mund të ulte shpejt inflacionin.
“A DO TË SHKAKTOJË PAK DHIMBJE? PO, NDOSHTA (DHE NDOSHTA JO!),” tha Trump në një postim në rrjetet sociale. “POR NE DO TA BËJMË AMERIKËN TË MADHE SËRISH, DHE DO TË IA VLEJ ÇMIMI QË DUHET TË PAGUHET PËR KËTË.”
Administrata e tij nuk ka thënë se sa i lartë mund të jetë ai çmim ose çfarë përmirësimesh duhen parë në ndalimin e emigracionit të paligjshëm dhe kontrabandës së fentanilit për të merituar heqjen e tarifave që Trump vendosi nën justifikimin ligjor të një emergjence ekonomike. Tarifat ëdhtë vendosur të fillojnë të martën, raporton AP.
Trump kritikoi suficitin tregtar të Kanadasë me Shtetet e Bashkuara: “Ne nuk kemi nevojë për asgjë që ata kanë. Ne kemi energji të pakufizuar, duhet të bëjmë makinat tona dhe të kemi më shumë lëndë druri sesa mund të përdorim ndonjëherë.”
Pavarësisht pretendimit të Trump se SHBA nuk ka nevojë për Kanadanë, një e katërta e naftës që Amerika konsumon në ditë është nga aleati i saj në veri.
Në anën tjetër, qeveria kineze tha se do të ndërmerrte hapa për të mbrojtur interesat e saj ekonomike dhe synon të ngrejë një padi në Organizatën Botërore të Tregtisë.
Një analizë nga Laboratori i Buxhetit në Yale tregon se, nëse tarifat do të vazhdonin, një familje mesatare amerikane do të humbiste afërsisht 1,245 dollarë të ardhura këtë vit, në atë që do të ishte ekuivalenti i përgjithshëm i një rritjeje tatimore më shumë se 1.4 trilion dollarë gjatë 10 viteve të ardhshme.
