Presidenti amerikan, Donald Trump ka njoftuar përmes një postimi në rrjetet sociale se SHBA-ja do të dërgoj një delegacion për bisedime me Iranin të hënën në Pakistan.
Postimi i presidentit të dielën nuk detajoi se cilin zyrtar do të dërgonte SHBA-ja në Islamabad në një raund të dytë bisedimesh ballë për ballë me Iranin.
Shtëpia e Bardhë dhe zyra e Zëvendëspresidentit JD Vance, i cili udhëhoqi raundin e parë të bisedimeve, nuk iu përgjigjën menjëherë mesazheve të dielën në mëngjes.
Në postimin e tij, Trump akuzoi Iranin për shkelje të marrëveshjes së armëpushimit duke qëlluar me plumba të shtunën në Ngushticën e Hormuzit dhe kërcënoi të shkatërrojë infrastrukturën civile në Iran nëse ky i fundit nuk e pranon marrëveshjen që po ofron SHBA-ja.
“Nëse nuk e bëjnë këtë, Shtetet e Bashkuara do të shkatërrojnë çdo termocentral dhe çdo urë në Iran”, shkroi Trump.
