Presidenti amerikan, Donald Trump ishte në Izrael të hënën për të festuar armëpushimin dhe marrëveshjen e pengjeve të ndërmjetësuar nga SHBA-ja midis Izraelit dhe Hamasit.
Menjëherë pas, ai pritet të vazhdojë udhëtimin drejt Egjiptit për një samit kyç që ai shpreson se do të forcojë fundin e luftës dhe do të hapë rrugën për një paqe më të qëndrueshme në Lindjen e Mesme.
“Kjo është një ditë e mrekullueshme, ky është një fillim krejt i ri”, u tha Trump gazetarëve pasi mbërriti në Knesset, shkruan Associated Press. “Dhe mendoj se nuk ka pasur kurrë një ngjarje të tillë, nuk kam parë kurrë diçka të tillë.”
Presidenti izraelit Isaac Herzog dhe Netanyahu përshëndetën Trumpin në pistë, ndërsa luante një bandë ushtarake.
Në Sheshin e Pengjeve në Tel Aviv, vendi i demonstratave të vazhdueshme gjatë dy viteve të luftës, turma brohoriti për Trumpin.
