Presidenti amerikan, Donald Trump gjatë konferencës për shtyp pas takimit me kryeministrin izraelit, ka thënë se do të mbështeste Netanyahun dhe Izraelin në shkatërrimin e Hamasit nëse grupi palestinez e refuzon propozimin e paqes.
“Nëse Hamasi e refuzon marrëveshjen, gjë që është gjithmonë e mundur – ata janë të vetmit që kanë mbetur, të gjithë të tjerët e kanë pranuar atë, por kam një ndjenjë se do të kemi një përgjigje pozitive”, tha Trump.
“Por nëse jo, siç e di, Bibi, do të kesh mbështetjen tonë të plotë për të bërë atë që do të duhet të bësh.”
