Presidenti amerikan, Donald Trump ka zbarkuar në Katar, në fazën e dytë të udhëtimit të tij në Lindjen e Mesme.
Avionët luftarakë F-15 të Katarit ofruan një shoqërim nderi për Air Force One ndërsa Trump po fluturonte drejt vendit, sipas videos së postuar nga Shtëpia e Bardhë.
Sikurse edhe në Arabinë Saudite, Trump doli ta pres në aeroport vet emiri i Katarit Sheikh Tamim bin Hamad Al Thani, raporton AP.
Ai do të marrë pjesë në një darkë shtetërore në vendin e pasur me gaz, i cili po shqyrton mundësinë që t’i dhurojë Trumpit një aeroplan luksoz.
Trump ka mbrojtur mundësinë e pranimit të një aeroplani të tillë, duke përmendur se vendet arabe kanë Boeing 747 krejt të rinj.
Dhe e shihni tonin pranë tij, ky është si një aeroplan krejtësisht i ndryshëm. Është shumë më i vogël, është shumë më pak mbresëlënës, aq mbresëlënës sa është”, tha Trump, sipas fragmenteve të publikuara nga Fox News.
Ai shtoi se “me Shtetet e Bashkuara të Amerikës, besoj se duhet të kemi aeroplanin më mbresëlënës”.
Trump tha gjithashtu se nuk ka asnjë arsye për të shmangur pranimin e një aeroplani të dhuruar nga Katari.
