Presidenti i ShBA-së, Donald Trump, ka deklaruar se marrëveshja për t’i dhënë fund liftimeve mes Shteteve të Bashkuara dhe Iranit pritet të nënshkruhet gjatë ditës së sotme, ndonëse pala iraniane ka shprehur rezerva lidhur me afatin e finalizimit.
Në një postim në rrjetet sociale, Trump tha se pas arritjes së marrëveshjes, Ngushtica e Hormuzit, një nga rrugët më të rëndësishme detare në botë, do të jetë “e hapur për të gjithë”.
Ndërkohë, Pakistani, i cili ka luajtur rol ndërmjetësues në negociata, bëri të ditur të shtunën se ekziston një mundësi e madhe që marrëveshja të finalizohet brenda 24 orëve dhe se palët janë duke u përgatitur për nënshkrimin elektronik të saj, raporton BBC.
Megjithatë, zëdhënësi i Ministrisë së Jashtme të Iranit, Esmaeil Baghaei, tregoi kujdes sa i përket afatit kohor, duke deklaruar se data e saktë e nënshkrimit ende nuk është konfirmuar.
“Mbetet të presim dhe të shohim se kur do të nënshkruhet memorandumi i mirëkuptimit, megjithëse kjo nuk pritet të ndodhë nesër”, tha ai.
