Zëdhënësi i Ministrisë së Jashtme të Iranit, Esmaeil Baghaei, ka dënuar SHBA-në pasi Donald Trump kërcënoi të sulmonte Omanin nëse ky i fundit mban anën e Teheranit për rihapjen e Ngushticës së Hormuzit.
Në vërejtjet e tij gjatë një takimi të kabinetit në Shtëpinë e Bardhë dje, presidenti amerikan tha se do ta “hedhë në erë” aleatin Oman nëse ky i fundit nuk “sillet njësoj si të gjithë të tjerët” në mosmarrëveshjen e vazhdueshme mbi rrugën ujore kyçe.
Në një deklaratë mëngjesin e së mërkurës, Baghaei shprehu solidaritet me Omanin, një ndërmjetës kyç në konfliktin me Iranin , pas “kërcënimeve të zyrtarëve amerikanë”, pa e përmendur konkretisht Trumpin, shkruan Guardian.
Ai gjithashtu dënoi sulmet e SHBA-së ndaj Bander Abbas, qytetit portual iranian pranë ngushticës së Hormuzit.
