Presidenti i Shteteve të Bashkuara, Donald Trump, ka lëshuar një urdhër ekzekutiv për heqjen e sanksioneve kundër kolonëve të dhunshëm izraelitë në Bregun Perëndimor të pushtuar.
Veprimet e Biden i hapën rrugën Departamentit Amerikan të Shtetit dhe Thesarit për të sanksionuar disa individë dhe grupe të ekstremit të djathtë të akuzuar për kryerjen e dhunës kundër palestinezëve në Bregun Perëndimor, të cilin Izraeli e ka pushtuar që nga viti 1967, pavarësisht ligjit ndërkombëtar.
Ndërsa vëmendja e botës është përqendruar në luftën në Gaza, dhuna në rritje nga kolonët izraelitë kundër palestinezëve në Bregun Perëndimor dhe grabitjet e tokave në territorin e pushtuar kanë ngritur shqetësime në mesin e disa prej aleatëve perëndimorë të Izraelit.
Të hënën dhe të martën, kolonët dogjën automjetet dhe pronat duke qenë nën mbrojtjen e ushtarëve izraelitë. Të paktën 21 palestinezë raportohet të jenë plagosur, raporton Al Jazeera.
“Heqja e sanksioneve ndaj kolonëve ekstremistë i inkurajon ata të kryejnë më shumë krime kundër popullit tonë”, tha Ministria e Punëve të Jashtme palestineze në një deklaratë.
