Presidenti amerikan, Donald Trump duke folur në Asamblenë e Përgjithshme të OKB-së, kritikoi Kombet e Bashkuara, duke pretenduar se nuk janë përpjekur t’i japin fund disa luftërave për të cilat ai thotë se ka punuar për t’i dhënë fund.
Trump tha se lista e luftërave që ai i dha fund përfshin Kamboxhian dhe Tajlandën, Kosovën dhe Serbinë, Kongon dhe Ruandën, Pakistanin dhe Indinë, Izraelin dhe Iranin, Egjiptin dhe Etiopinë, si dhe Armeninë dhe Azerbajxhanin.
“Është për të ardhur keq që më është dashur t’i bëj këto gjëra në vend që t’i bënin Kombet e Bashkuara, dhe për fat të keq, në të gjitha rastet, Kombet e Bashkuara as nuk janë përpjekur të ndihmojnë në asnjërën prej tyre”, tha Trump.
“Të gjithë thonë se unë duhet të marr Çmimin Nobel për Paqen për secilën nga këto arritje, por për mua, çmimi i vërtetë do të jenë bijtë dhe bijat që jetojnë për t’u rritur me nënat dhe baballarët, sepse miliona njerëz nuk po vriten më në luftëra të pafundme dhe të turpshme”, tha Trump. “Ajo që më intereson nuk është fitimi i çmimeve, por shpëtimi i jetëve.”
