Presidenti amerikan, Donald Trump thotë se si Izraeli ashtu edhe Irani shkelën kushtet e armëpushimit me sulme pas afatit të caktuar të së martës herët për të ndaluar armiqësitë.
AP raporton se Trump i bëri komentet për gazetarët në Shtëpinë e Bardhë përpara se të nisej për në samitin e NATO-s në Hagë. Ai shprehu zhgënjim për sulmet e vazhdueshme.
“Ata e shkelën, por edhe Izraeli e shkeli”, tha Trump. Ai shtoi, “Nuk jam i kënaqur me Izraelin”.
Komentet e tij vinë pasi të martën pas mesnate ai njoftoi se dy vendet ishin marrë vesh për ndaluar sulmet ndaj njëra-tjetrës./teve1/
