Në kryeqytetin Iranian ka mbërritur letra që Presidenti amerikan, Donald Trump i shkroi liderit suprem të Iranit, në përpjekje për të nisur bisedimet mbi avancimin e shpejtë të programit bërthamor të Teheranit.
Ndërsa teksti i letrës nuk është publikuar, mbërritja e saj vjen pasi Trump ka vendosur sanksione të reja ndaj Iranit si pjesë e fushatës së tij të “presionit maksimal” që synon vendin, raporton AP.
Trump ia dërgoi letrën Khameneit më 5 mars, më pas dha një intervistë televizive të nesërmen, në të cilën ai pranoi se e kishte dërguar.
Ai tha: “Unë u kam shkruar atyre një letër duke thënë: “Shpresoj që ju do të negocioni, sepse nëse ne duhet të hyjmë ushtarakisht, do të jetë një gjë e tmerrshme.”
Që nga kthimi në Shtëpinë e Bardhë, presidenti ka shtyrë për bisedime ndërsa në të njëjtën kohë ka ngritur sanksionet dhe ka sugjeruar se një sulm ushtarak nga Izraeli ose SHBA-ja mund të shënjestrojë vendndodhjen bërthamore iraniane.
Irani ka ofruar një sërë përgjigjesh në dukje kontradiktore. Vetë Khamenei ka thënë se nuk ishte i interesuar për bisedime me një “qeveri ngacmuese”.
