Kandidati presidencial republikan, Donald Trump do të ndjekë rezultatet e zgjedhjeve me një grup të vogël që përfshin familjarë dhe miq në resortin e tij Mar-a-Lago në Florida.
Anëtarët e klubit të tij janë ftuar në një darkë për të ndjekur rezultatet në resort, dhe pritet që Trump të ndalojë e të bashkëbisedojë me të ftuarit gjatë mbrëmjes, shkruan CNN.
Fushata e ish-presidentit ka ngritur gjithashtu një “dhomë lufte” në selinë e fushatës në West Palm Beach për të monitoruar zhvillimet dhe rezultatet e votimit.
Qytetarët amerikanë sot po votojnë për presidentin e ri të tyre mes dy kandidatëve, republikanit Donald Trump dhe demokrates Kamala Harris.
Presidenti i zgjedhur do të inaugurohet të hënën më 20 janar 2025, në ambientet e kompleksit Kapitol – inaugurimi i 60-të presidencial në historinë e SHBA-së.
