Presidenti ukrainas, Volodymyr Zelensky dhe presidenti amerikan, Donald Trump janë takuar brenda Bazilikës së Shën Pjetrit përpara funeralit të Papa Françeskut.
Shtëpia e Bardhë e përshkroi takimin 15-minutësh si “shumë produktiv” dhe një zëdhënës ukrainas tha se dyshja do të takohen për herë të dytë më vonë të shtunën.
Imazhet u publikuan më vonë nga një zyrtar ukrainas – kreu i zyrës së Zelensky, Andriy Yermak – të dy liderëve të ulur në karrige brenda bazilikës, raporton BBC.
Trump dhe Zelensky po marrin pjesë në shërbimin në qytetin e Vatikanit së bashku me krerët e tjerë të shtetit dhe mbretërve, duke përfshirë Princin William, Kryeministrin e Mbretërisë së Bashkuar, Sir Keir Starmer dhe presidentin francez, Emmanuel Macron.
Takimi i tyre vjen një ditë pasi Trump tha se Rusia dhe Ukraina ishin “shumë afër një marrëveshjeje”, pas bisedimeve midis të dërguarit të tij, Steve Witkoff dhe presidentit rus, Vladimir Putin në Moskë të premten.
