Presidenti ukrainas Volodymyr Zelensky tha se diskutoi për mbrojtjen ajrore në një bisedë me presidentin e ShBA-së, Donald Trump të premten dhe ra dakord të punojë për rritjen e aftësisë së Kievit për të “mbrojtur qiellin” ndërsa sulmet ruse përshkallëzohen.
Ai shtoi në llogarinë e tij në Telegram se diskutoi prodhimin e përbashkët të mbrojtjes, si dhe blerjet dhe investimet e përbashkëta me udhëheqësin amerikan, raporton Reuters.
Ukraina i ka kërkuar Uashingtonit t’i shesë më shumë raketa dhe sisteme Patriot, të cilat i sheh si çelës për mbrojtjen e qyteteve të saj nga intensifikimi i sulmeve ajrore ruse.
