Pamjet televizive kanë treguar uljen e Air Force One në Sharm el-Sheikh, ku Trump pritet të bashkë-kryesojë një samit mbi marrëveshjen e armëpushimit me presidentin egjiptian, Abdal Fattah el-Sisi, raporton Al Jazeera.
Pavarësisht pyetjeve ende të paadresuara lidhur me hapat e ardhshëm në Rripin e Gazës, i cili është shkatërruar rëndë gjatë konfliktit, Trump shfaqet i vendosur të shfrytëzojë këtë moment si një mundësi për të ndjekur objektivin e harmonisë rajonale, ende të paarritshme
Në Izrael, Trump premtoi të ndihmojë në rindërtimin e Gazës dhe u bëri thirrje palestinezëve të “largohen përgjithmonë nga rruga e terrorit dhe dhunës”.
“Pas dhimbjesh, vdekjesh dhe vështirësish të jashtëzakonshme, tani është koha për t’u përqendruar në ndërtimin e popullit të tyre në vend që të përpiqen ta shkatërrojnë Izraelin.”
