Duke qenë se jemi ende në stinën e dimrit dhe temperaturat janë të ulëta, tharja e rrobave vazhdon të mbetet një problem për të gjithë.
Në mënyrë që ato të thahen sa më shpejt ne i vendosim për t’i tharë ato në ambientet e brendshme.
Edhe nëse jashtë mund të jenë temperaturat e buta, mund të duhet një kohë e gjatë që rrobat të thahen dhe shpesh mbeteni të hutuar nëse rrobat tuaja janë ende të lagura apo thjeshtë të ftohta.
Megjithatë një eksperte ka ndarë një metodë që do të ndihmojë në këtë drejtim.
Lora Finn pohon se ky truk ndihmon që rrobat të thahen më shpejt dhe krejt çka ju duhet është një peshqir.
“Nëse sapo keni larë xhisnet tuaja të preferuara dhe ju nevojiten me nxitim të dëshpëruara atëherë provoni këtë metodë”, pohon ekspertja.
Ajo rekomandon të vendosni xhinset në një peshqir të pastër dhe të terur. Më pas mbështillni xhinset me peshqir derisa të formoni një formë rrokulle.
Shtypeni atë formë me duar derisa të largohet lagështia e tepërt, hiqni xhinset nga peshqiri dhe vendosni pastaj për t’i terur.
“Do të vëreni që xhinset do të thahen shumë më shpejt, pasi keni hequr me sukses lagështinë e tepërt”, pohon ekspertja. /Telegrafi
