Nuk është hera e parë që këta pronarë të bizneseve po kanë probleme me njëri tjetrin.
E krejt kjo si pasojë e kësaj rruge në Fushë Kosovë.
Këtë trotuar po thotë që e ka rregulluar Afrim Syla.
Por, ai pretendon që pjesën e tatëpjetës dhe pengesave e ka bërë komuna.
“Qëllimi ka qenë me vendos këtë trotuar atje përpara dhe mos me vendos këtu në rrugë ku kalojnë qytetarët. Unë me investimet e mia e kam marrë këtë trotuar e kam rregullu deri atje, edhe kur kam ardhë një ditë e kam parë që e ka bërë këtë Komuna së bashku me dy komshinjtë këtu. Mua më vjen keq që komshisë i hyn uji por nuk i ka hyrë uji prej meje por se ka ardh shiu prej lart”, shprehet Afrim Syla- pronar i biznesit.
Edhe disa banorë tjerë thonë që po kanë telashe shkak i intervenimeve që sipas tyre, i kanë bërë komunarët.
“Më herët ka qenë shumë më mirë tash janë mundu me bë diçka por shumë ma keq e kanë bërë. Para dy jave këtu një plakë është rrëzu se anën e kundërt të rrugës ishte bërë ujë. Ajo u mundu me bo hapin, por u rrëzu, nuk e pash që e theu këmbën por un shkova i ndihmova se nuk mujke as në këmbë me u qu më”, thotë Ferit Muharremi-qytetar
“Problemi është shumë i madh se që 25 vite jetoj në këtë rrugë. Këtu kur bie shi krejt uji e merr nuk mundemi të kalojmë, as nuk mundemi të kalojmë në këmbë por vetëm me makina ose me qizme, as s’ka kanalizim, bllokohen bizneset, bëhen kolona, bëhet akull dimrit”, shprehet Fazli Berisha, qytetar.
E dikush po e sheh si një ndër problemet më të vogla që ka qyteti i Fushë Kosovës.
“Pe shoh katastrofë. Sipas meje ky është problemi më i vogël kemi shumë probleme në Fushë Kosovë sa që është tmerr. Kjo si çka me thënë, rrëzohen pleqtë rrëzohen me kolica, thotë Fatmir Fejzullahu.
Televizioni tentoi të marrë një qëndrim edhe nga Komuna e Fushë Kosovës, por nuk pranuan të flasin para kamerës.
E krejt kjo rrugë vështirësitë më të mëdha bizneseve ua ka shkaktuar në kohën kur kishte vërshime në Fushë Kosovë.
