Policia ka njoftuar se në Prishtinë një grua e cila ka qenë duke u trajtuar në QKUK ka ndërruar jetë. Trupi i viktimës është dërguar për obduksion.
“Është raportuar se viktima femër kosovare, e cila ka qenë duke u trajtuar në QKUK ka ndërruar jetë. Me vendim të prokurorit, trupi i pajetë i viktimës është dërguar në IML për Obduksion”, thuhet në raport.
E një grua ka raportuar në Polici se në dhomë ka gjetur pa shenja jete një vajzë.
Policia ka bërë të ditur se njësitë relevante dhe ekipi mjekësor kanë dalë në vendin e ngjarjes, të cilët kanë gjetur dhe sekuestruar një pistoletë me një gëzhojë e dy fishekë, raporton teve1.info
“Një femër kosovare, ka raportuar se në dhomë kishte gjetur pa shenja jete viktimen femër kosovare. Njësitë relevante dhe ekipi mjekësor kanë dalur në vendin e ngjarjes ku është konfirmuar vdekja e viktimës. Si provë materiale është gjetur dhe sekuestruar një pistoletë me një gëzhojë dhe dy fishekë. Me Vendim të prokurorit, trupi i pajetë është dërguar në IML për Obduksion”, thuhet në raportin 24 orës.
Ndërsa në Istog, një burrë është gjetur pa shenja jete në ballkonin e shtëpisë së tij.
Trupi i pa jetë i viktimës është dërguar për obduksion.
“Viktima mashkull kosovar ,është gjetur pa shenja jete në ballkonin e shtëpisë së tij. Njësitet relevante dhe ekipi mjekësor kanë dalur në vendin e ngjarjes ku është konstatuar vdekja e viktimës. Me vendim të prokurorit, trupi i pajetë është dërguar në IML për Obduksion”, thuhet në raport.
