Por, vizita e paraparë dy ditore mes tij dhe presidentit serb, Aleksandër Vuçiq, mund të mos ndodh.
Kjo sipas burimeve jo zyrtare të mediumit serb, Danas, i cili raporton se Mali i Zi, Maqedonia e Veriut dhe Bullgaria, kanë ndaluar hapësirat e tyre ajrore për kryediplomatin rus.
Megjithatë, për këtë, nuk ka asgjë zyrtare nga shteti serb.
E as Vucic, nuk tregoi gjë, ani pse dy ditë më parë kishte premtuar se do të dal me një njoftim në lidhje me këtë çështje.
“Duroni edhe dy ditë, pastaj krejt mund të jetë në rregull, apo edhe mund të mos jetë. Janë caktuar takimet, plani po shkon mirë, por a do të realizohet takimi, ju tregoj për 24 apo 48 orë”, kishte thënë Vuçiq.
Ndërkohë, nëse ky takim do ta rrezikonte vizitën e kancelarit gjerman, Olaf Scholz në Beograd, Vucic tha se nuk e përjashton as këtë.
Por, një takim tjetër në mes të autoriteteve serbe dhe atyre ruse, pritet të ndodh të hënën në mëngjes.
Nga presidenca serbe, kanë njoftuar se Aleksandër Vucic, do ta pres në ora 10, ambasadorin rus në Beograd, Aleksandër Boçan- Kharchenko./Tëvë1/
