Ballkani ‘ngec’ në stadiumin “18 Qershori” në Klinë, teksa në sfidën e xhiros së 13-të me Dukagjinin barazoi me shifra 1:1. Pjesa e parë u mbyll me rezultat 0:0, ndonëse ekipi mysafir tregoi me shumë në repartin e kundërshtarit të tyre. Ndërkaq në franksionin e dytë erdhën dy gola. Therandasit kaluan në epërsi me Albion Rrahmanin në minutën e 62-të, derisa barazimi erdhi me Altin Mërlakun në minutën e 78-të nga penalltia. Me këtë barazim, Ballkani ndodhet në kuotën e 25 pikëve, kurse Dukagjini ka të grumbulluar 8-të pikë.
Në barazim u mbyllën edhe dy sfida të tjera. Drenica dhe Malisheva u mbyll pa gola, teksa Gjilani mori një pikë në transfertë ndaj Trepçës ’89, edhe pse skuadra vendase kishte një lojtar me pak që nga minuta e 9-të. Baton Zabërgja shënoi për kuqebardhët, derisa Christian Mba e barazoi rezultatin në 1:1. /Tëvë1/
