Xhiro e 23-të në Superligën e Kosovës do të zhvillohet edhe këtë të dielë me tri ndeshje interesante.
Kryendeshja kryesore do të jetë përballja në mes Ballkanit dhe Llapit. Skuadra nga Suhareka e ka filluar mirë sezonin pranveror, ku është në vendin e parë me 45 pikë pas 22 ndeshjeve.
Në anën tjetër, Llapi është në formë të shkëlqyeshme, ku në 11 ndeshjet e fundit janë pa humbje dhe do të synojnë që këtë ecuri pozitive ta vazhdojnë edhe më tutje.
Loja do të zhvillohet në stadiumin e qytetit të Suharekës, me fillim nga ora 13:30.
Në ballafaqimin tjetër, Drenica përballet me Dritën. Ekipi i kuqezinjëve kërkon këndëlljen pas humbjes ndaj Ulpianës, ndërsa intelektualët duan të kthehen në shtëpi me tre pikë nga “Bajram Aliu”.
Gjilani në shtëpi pret Ulpianën. Kuqebardhët pretendojnë të mëtojnë pikët maksimale në shtëpi, kurse lipjanasit aspirojnë të marrin triumfin e dytë në sezonin pranveror
Dy përballjet tjera zhvillohen me fillim nga ora 13:00.
/Tëvë1/
