Gjatë 24-orëve të fundit në Policinë e Kosovës janë raportuar tri raste të dhunës në familje, raporton teve1.info
Rasti i parë ka ndodhur në Fushë-Kosovë, ku një femër përdoruese e narkotikëve ka sulmuar fizikisht prindërit e saj. Në njoftimin e PK-së, bëhet e ditur se viktimat kanë pranuar tretman mjekësor. Ndërkohë, rasti është ende duke u hetuar.
Ndërsa, në Viti, pas një mosmarrëveshje në familje një person i ka sulmuar fizikisht bashkëshorten, nënën dhe motrën e tij. Pas intervistimit, me vendim të prokurorit, nëna dhe motra e të dyshuarit janë dërguar në strehimore. Ky rast në Policinë e Kosovës ka përfunduar në procedurë të rregullt.
Ndërkaq, gjatë 24-orëve të fundit është arrestuar vetëm një person për dhunë në familje, i cili dyshohet se e ka sulmuar fizikisht bashkëshorten e tij. Nga plagët e marra, viktima ka pranuar edhe tretman mjekësor. Derisa, me vendim të prokurorit, i njëjti prapë është liruar. Rasti ka ndodhur në Mitrovicë. /teve1.info/
