Superliga e Kosovës në futboll, do të vazhdojë me xhiron e rregullt që luhet në këtë fundjavë, ka njoftuar Federata e Futbollit të Kosovës (FFK), të enjten.
Të shtunën dhe të dielën, do të zhvillohen duelet e xhiros së dhjetë të Superligës, ku pothuajse të gjitha përballjet janë tejet interesante.
Katër prej pesë ndeshjeve janë në të njëjtin orar, me përjashtim të duelit Prishtina – Dukagjini që nis nga ora 18:30 të shtunën dhe luhet në stadiumin “Fadil Vokrri” në kryeqytet.
Të shtunën, por prej orës 13:00, janë edhe përballjet Prishtina e Re – Malisheva, si dhe Ballkani – Gjilani.
Kjo xhiro do të mbyllet të dielën, me dy ndeshje, njëra në Gjilan dhe tjetra në Podujevë, ku do të përballen Drita – Ferizaj dhe Llapi – Drenica.
