Superliga e Kosovës në futboll vazhdon këtë vikend me xhiron e 17, me tri ndeshje që zhvillohen.
Vëmendja kryesore padyshim se është në Podujevë, aty ku takohen Llapi dhe Ballkani në stadiumin “Zahir Pajaziti”. Vendësit janë në vendin e tretë dhe tentojnë t’ia shkaktojnë humbjen e parë liderit Ballkanit.
Në “Liman Gegaj”, Malisheva e motivuar pas fitores me Llapin e pret Lirinë që në 16 ndeshje ka marrë vetëm një fitore.
Prishtina që javën e kaluar morri barazimin e 10 për këtë edicion, e pret Fushë Kosovën që synon të largohet nga zona e rrezikshme.
