Te Real Madridi ka optimizëm të madh se në fund të këtij edicioni do të sigurojnë shërbimet e sulmuesit të Francës, Kylian Mbappe.
Negociatat mes palëve ende nuk kanë nisur, por thuhet se Mbappe ka marrë vendim për t’u larguar nga Paris Saint-Germaini në fund të edicionit kur edhe i skadon kontrata.
Megjithatë, Mbappe i ka tri kërkesa para se të futet në negociata me Realin dhe ka kërkuar që ato t’i plotësohen për t’iu bashkuar klubit spanjoll si lojtar i lirë, shkruan “Cadena SER” të mërkurën.
Fillimisht, Mbappe po kërkon pagë vjetore prej 50 milionë eurosh te Real Madridi, duke e bërë atë lojtarin dukshëm më të paguar në klub. Pastaj, Mbappe kërkon edhe një bonus nënshkrimi në vlerë prej 125 milionë eurosh, si dhe dëshiron një përqindje në imazhin e të drejtave të tij.
