Grupi i Trepçës në FIBA Europe Cup ka marrë formë interesante, duke sjellë rivalë me peshë nga skena evropiane e basketbollit.
Përballë kampionit kosovar do të jenë Basketball Löwen Braunschweig nga Gjermania, një skuadër që garon rregullisht në Bundesliga dhe ka traditë të gjatë në zhvillimin e basketbollistëve.
Po ashtu, pjesë e grupit është PAOK-u nga Greqia, një klub historik me shumë paraqitje në Evropë dhe që së fundmi ka shënuar sukses duke arritur deri në finale të këtij kompeticioni.
Në këtë grup do të bashkohet edhe Bashkimi i Prizrenit ose Anwili nga Polonia. Prizrenasit triumfuan 80-75 dhe edhe një humbje deri në katër pikë në ndeshjen e kthimit në Poloni do t’i kualifikonte portokallinjët nga Kosova.
Mbetet të shihet nëse do të shohim përballje evropiane mes dy ekipeve kosovare në FIBA Europe Cup, pasi një rivalitet i tillë do jetë vlerë e shtuar për basketbollin kosovar.
