Katër udhëheqësit e Terminalit Doganor të ndërmarrjes publike “Trepça” të mërkurën janë larguar përkohësisht nga puna.
Siç bëhet e ditur në njoftim, vendimi është marrë pasi është konstatuar se B.N, M.Th., V.S. dhe M.ZH kanë kryer shkelje të rënda të detyrave të punës.
“Më datë 01.10.2025, me vendim të Kryeshefit Ekzekutiv të “Trepça” Sh.A., nr. prot: 8133 dhe 8134, janë larguar përkohësisht nga puna udhëheqësit e Terminalit Doganor: B.N, M.TH, V.S, M.ZH. Ky vendim është marrë në bazë të raportit nr. prot: 6915 dhe pas analizës së tij, në të cilin janë konstatuar shkelje të rënda të detyrave të punës, të përcaktuara në nenin 10, paragrafi 1, nënparagrafët 1.1, 1.5 dhe 1.13 të Rregullores për Përgjegjësinë Disiplinore dhe Materiale, nr. prot: 2906, datë 30.07.2020”, thuhet në njoftim.
