Skuadra e Trepçës ka shënuar fitoren e radhës në Superligën e Kosovës në basketboll.
Të enjten mbrëma, në kuadër të xhiros së 15-të, Trepça mposhti Pejën me mbi 30 pikë dallim.
Dueli i luajtur në palestrën “Minatori” në Mitrovicë, përfundoi me shifrat 98:61, në të mirë të Trepçës.
Kampionia në fuqi, dallimin dhe shkëputjen në rezultat e bëri në çerekun e dytë dhe të tretë, që i fitoi me rezultat 34:17 dhe 25:11.
Trepça e fitoi edhe periudhën e fundit, për ta konfirmuar fitoren dhe dominimin ndaj Pejës, ekip që fitoi vetëm çerekun e parë (18:17).
Batin Tuna me 20 pikë e Mustapha Amzil me 21 pikë e 10 kërcime, ishin më të dalluarit te Trepça kurse te Peja u veçua Alan Herndon me 11 pikë e 12 kërcime.
Trepça mbetet lidere me 27 pikë, katër më shumë se skuadra e Pejës.
