Skuadra e Trepçës ka shënuar fitore të vështirë në derbin ndaj Sigal Prishtinës.
Ndeshja e luajtur në kryeqytet të dielën, në kuadër të xhiros së shtatë të Superligës, përfundoi me shifrat 80:75.
Trepça e nisi mirë ndeshjen dhe ishte dominuese, duke i fituar dy çerekët e para – 24:15, 24:17 por Sigal Prishtina u rikthye paksa në të tretin 17:14 dhe në minutat e fundit të periudhës së katërt pati epërsinë prej një pikë por nuk arriti të triumfojë.
Këtë çerek, Prishtina e fitoi 26:18 por që nuk ishte i mjaftueshëm për ta fituar ndeshje.
Në fakt, Trepça pati epërsi prej 19 pikë dhe në minutat e fundit ishte në disavantazh prej një pike.
Ja’Cori Payne me 23 pikë, Mikaile Tmushiq 14 pikë kurse Chad Brown realizoi 11 pikë e 16 kërcime për fitoren e Trepçës.
Ndërkohë, te Sigal Prishtina, Adrio Bailey pati 25 pikë kurse Deondre Burns realizoi 20 pikë, 4 kërcime e 5 asistime.
