Kampionia e Kosovës në basketboll, Trepça ka
nisur me përforcimet për sezonin 2025/26.
Përforcimi i parë i ekipit nga Mitrovica, është qendra Shawn Jones, amerikani me pasaportë kosovare.
Jones ka firmosur me Trepçën, ekip që tashmë e ka prezantuar por nuk ka dhënë detaje sa i përket kontratës së tij, do të jetë për një vit apo për garat evropiane.
Basketbollisti i gjatë 203 centimetra, ka përvojë të madhe në Evropë kurse pritet ta ndihmoj shumë Trepçën, që do të paraqitet në kualifikimet e Ligës së Kampionëve.
Gjatë karrierës, Jones ka luajtur në Itali, Slloveni, Izrael e Poloni, ndërsa nuk i kanë munguar as trofetë.
Në verën e vitit 2016, Jones u natyralizua nga Federata e Basketbollit të Kosovës dhe u pajis me pasaportë, ku deri më tani ka zhvilluar disa ndeshje për “Dardanët”.
