Treni godet veturën në hyrje të Prishtinës

Një aksident trafiku ka ndodhur para pak çasteve mes trenit dhe një veture te Kroi Njelmët, në hyrje të Prishtinës.

Në vendin e ngjarjes e pranishme është autoambulanca si dhe njësia policore.

Ekipi i teve1.info, i cili është në vendin e ngjarjes ka bërë të ditur se në veturë i pranishëm ka qenë vetëm shoferi.

Treni si pasojë e goditjes është ndalur, derisa edhe disa persona kanë dalë jashtë tij.

Teve1.info ka kontaktuar Policinë e Kosovës, por të njëjtit ende nuk kanë kthyer përgjigje. /teve1.info/