Dita e premte i bashkon në një vend Asllan Kryeziun e Peta Nekoliq. Të dy këta dalin në tregun e Kamenicës për të njëjtin qëllim.
Patate, qepet, molla, speca e raki e shtëpisë janë disa nga produktet që Kryezi e Nekoliq i sjellin çdo javë në tezkat e vendosura dy meta afër njëra-tjetrës.
Kryeziu i cili që 16 vjet del në këtë treg tregon raportet që ka me tregtarët serbë.
“Unë e vij çdo të premte këtu rregullisht, deri tani mirë kemi kaluar probleme nuk ka, malli po shitet por jo shumë. Probleme nuk ka, këta serbët shesin mall të vetin amo lirë e shesin dhe shqiptarët marrin nga këta se kan mallin e vet dhe pak ma lirë e marrin”, tha ai.
Edhe Peta Nekoliq, konfirmon se ka klientë shqiptarë.
Por ai ka një hall tjetër.
“Ne me shqiptarët këtu kalojmë mirë, shqiptarët blejnë produkte, por nuk ka pare këtu…” tha ai.
Blerësit nuk zgjedhin shumë se kush i shet këto produkte.
Destan Ajabazi-
“Komunën e Kamenicës nuk i zgjedhin shumë a është e shqiptarëve e serbëve po çka është ma lirë”, tha ai.
E ka nga ata që për shkak të së kaluarës thonë se nuk pëlqejnë të blejnë produkte nga serbët.
“Cka na kanë bërë ata neve kurrë s’blej as vaj as kurgjo nuk bleje”, tha një qytetar.
“Kjo është bashkëjetesë e dhunshme si me zor pak, këta kanë bërë gjenocid, ne dimë gjithçka, por po na imponohet bashkëjetesa..”, tha një tjetër.
Raporti i gazetares Doresa Geci.
