Tre zyrtarë të Agjencisë për Regjistrimin e Bizneseve (ARBK), në mesin e tyre edhe ushtruesja e detyrës së kryeshefes, Igballe Rexha-Jashari, janë shoqëruar në Polici dhe janë duke u intervistuar.
Lajmi është konfirmuar nga Prokuroria Themelore në Prishtinë.
Zëdhënësja e kësaj prokurorie, Kaltrina Shala, bëri të ditur se intervistimet janë duke u zhvilluar, ndërsa prokurori i shtetit është duke ndërmarrë të gjitha veprimet e nevojshme në përputhje me legjislacionin në fuqi.
“Po, e konfirmojmë se janë duke u intervistuar ne Polici. Ndërkohë Prokurori i shtetit është ne ndërmarrjen e te gjitha veprimeve te parapara ligjore ne përputhje me ligjin ne fuqi”, ka thënë zëdhënësja Kaltrina Shala.
