Deputetja e Partisë Demokratike të Kosovës, Ganimete Musliu, thotë se tri vjet ka padrejtësi qysh nga ngritja e aktakuzës nga Gjykata Speciale për ish-krerët e UÇK, Hashim Thaçi, Kadri Veseli, Rexhep Selimi dhe Jakup Krasniqi.
Sipas saj, kjo gjykatë është themeluar për t’i zbardhur pretendimet e Dick Martyt e jo për qërim hesapesh personale e politike.
“Një thënie e urtë thotë: ‘Mos i vrisni luanët e vendit tuaj, sepse do ju shqyejnë qentë e armikut tuaj’. Kosova sot në mungesën e këtyre luanëve po sulmohet çdo ditë nga qentë armikut”, ka shkruar jo në Facebook.
Dhomat e Specializuara në Hagë më 5 nëntor 2020 bënë publike aktakuzën kundër ish-krerëve të UÇK-së Hashim Thaçit, Kadri Veselit, Rexhep Selimit dhe Jakup Krasniqit.
Veprat e pretenduara ndaj tyre kanë të bëjnë “me krime lufte, ndalimit të paligjshëm ose arbitrar, trajtimit mizor, torturës dhe vrasjes së paligjshme dhe krimet kundër njerëzimit të burgosjes, akteve të tjera çnjerëzore, torturës, vrasjes së paligjshme, zhdukjes me forcë të personave dhe përndjekjes”, të cilat sipas Dhomave të Specializuara, janë kryer midis marsit 1998 dhe shtatorit të vitit 1999./teve1.info/
Tri vjet nga publikimi i aktakuzës ndaj Thaçit, Veselit, Selimit e Krasniqit
