Presidentja e Kosovës, Vjosa Osmani, në tre vjetorin e saj në këtë detyrë tha se përulet para të arriturave të përbashkëta që janë bërë deri më tani dhe nga detyrat e reja që e presin.
Derisa theksoi se zemra e presidencës së saj mban vullnetin e popullit dhe interesat e Kosovës.
“Tre vjet në detyrën e Presidentit të Republikës së Kosovës! Zemra e presidencës sime mban vullnetin e popullit tonë dhe interesat e Republikës sonë! Jam e përulur nga përparimi i përbashkët që kemi bërë deri tani dhe nga shumë piketa të reja që janë përpara, brenda dhe jashtë vendit!”, ka shkruar Osmani në platformën ‘X’.
Ndryshe, Kuvendi i Kosovës, në një seancë të jashtëzakonshme, më 4 prill 2021, me 71 vota pro kishte zgjedhur presidente të vendit, Vjosa Osmanin.
Osmani u zgjodh pas raundit të tretë të votimit ku votuan 82 deputetë. 71 nga deputetët votuan për Vjosa Osmani-Sadriu, 11 vota rezultuan të pavlefshme, ndërsa për kandidatin tjetër Nasuf Bejta nuk votoi asnjë deputet../teve1.info./
Three years serving as the President of the Republic of Kosovo!
The heart of my presidency holds the will of our people and the interests of our Republic!
I’m humbled by the joint progress we’ve made so far and the many new milestones that lie ahead, at home and abroad! 🇽🇰 pic.twitter.com/DwIK0aSl8F
— Vjosa Osmani (@VjosaOsmaniPRKS) April 4, 2024
